തൊടുപുഴ: സമസ്ത കേരള ജംഇയത്തുല്‍ മുഅല്ലിമീന്‍ തൊടുപുഴ റേഞ്ച് ഇസ്‌ലാമിക കലാസാഹിത്യ മത്സരങ്ങള്‍ 18 ന് കുന്നം നാസിറുല്‍ ഇസ്‌ലാം മദ്‌റസാ ഹാളില്‍ നടക്കും. റേഞ്ചിലെ 26 മദ്‌റസകളില്‍ നിന്നും തെരഞ്ഞെടുക്കപ്പെട്ട 200 കുട്ടികള്‍ രï് വേദികളിലായി മാറ്റുരയ്ക്കും.
രാവിലെ 8 ന് മമ്പഉല്‍ ഖൈറാത് മസ്ജിദ് പ്രസിഡന്റ് വി. കെ സെയ്തുമുഹമ്മദ് പതാക ഉയര്‍ത്തും. 8.15 ന് രജിസ്‌ട്രേഷന്‍ ആരംഭിക്കും. 8.30 ന് നടക്കുന്ന ഉദ്ഘാടന സെഷനില്‍ ജംഇയത്തുല്‍ മുഅല്ലിമീന്‍ ജില്ലാ പ്രസിഡന്റ് എം.എസ്. ഹാഷിം ബാഖവി അധ്യക്ഷനാക്കും. മാനേജ്‌മെന്റ് അ്‌സോസിയേഷന്‍ ജില്ലാ പ്രസിഡന്റ് അലിക്കുഞ്ഞ് വാത്തിശേരി ഉദ്ഘാടനം നിര്‍വഹിക്കും. പി.ഇ. മുഹമ്മദ് ഫൈസി, എന്‍.കെ. മൂസ മൗലവി, സിനാജ് എന്നിവര്‍ പ്രസംഗിക്കും. വൈകിട്ട് 4.30 ന് നടക്കുന്ന സമാപന സമ്മേളനം പി.ജെ.ജോസഫ് എം.എല്‍. എ ഉദ്ഘാടനം ചെയ്യും. എം.എസ്. അബ്ദുല്‍ കബീര്‍ റഷാദി അധ്യക്ഷനാക്കും. മുഫത്തിഷ് അബ്ദുല്‍ ഗഫൂര്‍ അന്‍വരി ആമുഖ പ്രഭാഷണവും മുഫത്തിഷ് കെ.ഇ. മുഹമ്മദ് മുസ്‌ലിയാര്‍ മുഖ്യ പ്രഭാഷണവും നിര്‍വഹിക്കും.
ഇടവെട്ടി ഗ്രാമപഞ്ചായത്ത് പ്രസിഡന്റ് അബ്ദുല്‍ ലത്തീഫ് മരവെട്ടിക്കല്‍ ട്രോഫികളും സര്‍ട്ടിഫിക്കറ്റുകളും വിതരണം ചെയ്യും. മുനിസിപ്പല്‍ കൗണ്‍സിലര്‍മാരായ അഡ്വ. സി.കെ. ജാഫര്‍, കെ.കെ. റഷീദ്, കെ.എച്ച് അബ്ദുല്‍ കരീം മൗലവി, ടി.കെ. അബ്ദുല്‍ കബീര്‍ മൗലവി സംസാരിക്കും.