കാപ്പാട്: സബീലുല്‍ ഹിദായ സംഘം മദ്‌റസാ അധ്യാപകര്‍ക്ക് റമദാന്‍ കിറ്റ് വിതരണം ചെയ്തു. സിദ്ദീഖ് പള്ളി ഹിദായ മദ്‌റസയില്‍ നടന്ന സംഗമം കാപ്പാട് ഖാസി അഹ്മദ് ശിഹാബുദ്ദീന്‍ ഫൈസി ഉദ്ഘാടനം ചെയ്തു. എസ്.കെ അബൂബക്കര്‍ ബാഖവി അധ്യക്ഷനായി.
മദ്‌റസാ മാനേജ്‌മെന്റ് അസോസിയേഷന്‍ ജില്ലാ പ്രസിഡന്റ് എ.പി.പി തങ്ങള്‍, കോയ മോന്‍ തങ്ങള്‍, കെ.പി ഇബ്‌റാഹിംകുട്ടി ഹാജി, കെ.പി മുഹമ്മദ് മുസ്‌ലിയാര്‍, മുഈനുദ്ദീന്‍ ദാരിമി, മശ്ഹൂദ് കാപ്പാട് സംസാരിച്ചു. ലത്തീഫ് ഫൈസി സ്വാഗതവും റഹീം ഫൈസി നന്ദിയും പറഞ്ഞു.
നന്തിബസാര്‍: നന്തി റെയ്ഞ്ച് ജംഇയ്യത്തുല്‍ മുഅല്ലിമീന്‍ റിലീഫ് സെല്ലിന്റെ കീഴില്‍ മുഅല്ലിംങ്ങള്‍ക്ക് റമദാന്‍ കിറ്റ് വിതരണവും പ്രാര്‍ഥനാസദസും നടന്നു. അറബിക് കോളജ് ഓഡിറ്റോറിയത്തില്‍ ചെയര്‍മാന്‍ പി.കെ.കെ കുഞ്ഞമ്മദ് ഹാജി അധ്യക്ഷനായി. ജാമിഅ ദാറുസ്സലാം സെക്രട്ടറി എ.വി അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്തു. പി.കെ ഹുസൈന്‍ ഹാജി, വി.കെ ഇബ്രാഹീം ഹാജി, കെ.വി റഹീം, തൊടുവയില്‍ മൊയ്തു ഹാജി, എന്‍.കെ ബഷീര്‍ ദാരിമി, പി.കെ ഉമ്മര്‍ മൗലവി, ശാക്കിര്‍ യമാനി സംസാരിച്ചു. പ്രാര്‍ഥനാ സദസിന് മുഹമ്മദ് അന്‍സാരി റഹ്മാനി നേതൃത്വം നല്‍കി.
കൊയിലാണ്ടി: കൊല്ലം പാറപ്പള്ളി റെയ്ഞ്ച് കമ്മിറ്റി മുഅല്ലിംകള്‍ക്ക് കിറ്റ് വിതരണം സംഘടിപ്പിച്ചു. കൊല്ലം മദ്‌റസത്തുല്‍ ഇസ്‌ലാമിയ്യ ഹാളില്‍ നടന്ന വിതരണം മാനേജ്‌മെന്റ് ജനറല്‍ സെക്രട്ടറി അന്‍സാര്‍ കൊല്ലം ഉദ്ഘാടനം ചെയ്തു. ഹുസൈന്‍ ഫൈസി അധ്യക്ഷനായി. അഹമ്മദ് ദാരിമി സംസാരിച്ചു. കക്കോവ് ജുമുഅത്ത് പള്ളിക്ക് നേരെ സാമൂഹ്യദ്രോഹികള്‍ നടത്തിയ അക്രമത്തെ യോഗം അപലപിച്ചു.
നടുവണ്ണൂര്‍: റെയ്ഞ്ച് ജംഇയ്യത്തുല്‍ മുഅല്ലിമീന്‍ ക്ഷേമനിധി ബോര്‍ഡ് റമദാന്‍ കിറ്റ് വിതരണം ഹാജി.പി കുഞ്ഞീതു മുസ്‌ലിയാര്‍ നിര്‍വഹിച്ചു. പി.കെ മുഹമ്മദലി ദാരിമി അധ്യക്ഷനായി. ജാഫര്‍ ബാഖവി മുഖ്യ പ്രഭാഷണം നടത്തി. ടി.പി അബ്ദുസ്സലാം ബാഖവി, കെ കുഞ്ഞായിന്‍ മൗലവി, അമ്മത്കുട്ടി കരുവണ്ണൂര്‍, ഇബ്രാഹിം മുസ്‌ലിയാര്‍, ജലീല്‍ ദാരിമി സംസാരിച്ചു.