കോഴിക്കോട്: മലപ്പുറം വെട്ടം ആലിശ്ശേരിയിലെ വിനു തിരൂരിന്റെ കുതിരസവാരി പരിശീലനത്തിന് അറേബ്യന്‍ ബുക്ക് ഓഫ് വേള്‍ഡ് റെക്കോര്‍ഡ്‌സിന്റെ അംഗീകാരം. ലോകത്ത് ഒരു രാജ്യത്തിലെ ഒരു ഗ്രാമത്തില്‍ ഏറ്റവും കൂടുതല്‍ കുട്ടികളെയും യുവാക്കളെയും സൗജന്യമായി കുതിരസവാരി പരിശീലിപ്പിച്ചതിനാണ് അംഗീകാരം. വിനു ഉള്‍പ്പെടുന്ന കുതിരസവാരിക്കാരുടെ കൂട്ടായ്മയായ മലബാര്‍ ഹോഴ്‌സ് റൈഡേഴ്‌സിനും അറേബ്യന്‍ ബുക്ക് ഓഫ് വേള്‍ഡ് റെക്കോര്‍ഡ്‌സില്‍ ഇടം നേടാനായി. പത്രസമ്മേളനത്തില്‍ അറേബ്യന്‍ ബുക്ക് ഓഫ് വേള്‍ഡ് റെക്കോര്‍ഡ്‌സ് പ്രതിനിധികളായ എം. ദിലീഫ്, യാസര്‍ അറാഫത്ത്, സലീം അമ്മിണിപറമ്പ് പങ്കെടുത്തു.