ആലപ്പുഴ: ആലപ്പുഴ സക്കരിയ ബസാര്‍ സ്വദേശിക്ക് ബാസ്‌ക്കറ്റ് ബോള്‍ അണ്ടര്‍ 18 നാഷണല്‍ ടീമിലേക്ക് സെലക്ഷന്‍ ലഭിച്ചു.
സക്കരിയാ ബസാര്‍ വാര്‍ഡ് കാരമൂട് പുരയിടത്തില്‍ മുംതാസ് മന്‍സിലില്‍ നിഷാദ്-നസീമ ദമ്പതികളുടെ മകന്‍ മുഹമ്മദ് ഷിറാസിനാണ് ബംഗ്ലാദേശില്‍ നടക്കുന്ന അണ്ടര്‍ 18 രാജ്യാന്തര മത്സരത്തില്‍ പങ്കെടുക്കാന്‍ സെലക്ഷന്‍ ലഭിച്ചത്.
കോട്ടയം മാന്നാനം സെന്റ് എഫ്രേംസ് ഹൈസ്‌ക്കൂളിലെ പ്ലസ് ടൂ വിദ്യാര്‍ഥിയായ മുഹമ്മദ് ഷിറാസിന് ഫാ. ആന്റണി കാഞ്ഞിരത്തിങ്കല്‍, ഷാനവാസ്, ബിജു എന്നിവരുടെ നേതൃത്വത്തിലാണ് പരിശീലനം നല്‍കിയത്.
കഴിഞ്ഞ വര്‍ഷം ഇന്റോനേഷ്യയില്‍ നടന്ന അണ്ടര്‍ 16 മത്സരത്തില്‍ പങ്കെടുക്കാനും മുഹമ്മദ് ഷിറാസിന് സെലക്ഷന്‍ ലഭിച്ചിരുന്നു. ബംഗ്ലാദേശിലെ ഡാക്കയില്‍ ജൂണ്‍ ഒന്ന്, രണ്ട് തീയതികളിലായാണ് മത്സരങ്ങള്‍ നടക്കുക.