ന്യൂഡല്‍ഹി: പാര്‍ട്ടി സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്‍ ബിനോയ് കോടിയേരിക്കെതിരായ യാത്രാവിലക്ക് പരിഹരിക്കാന്‍ സി.പി.എം ഇടപെടില്ലെന്ന് പൊളിറ്റ്ബ്യൂറോ അംഗം എസ്. രാമചന്ദ്രന്‍പിള്ള . ബിനോയിക്ക് യു.എ.ഇയില്‍ യാത്രാ വിലക്ക് ഏര്‍പ്പെടുത്തിയ സംഭവം അദ്ദേഹത്തിന്റെ സ്വകാര്യ വിഷയമായതിനാലാണ് പാര്‍ട്ടി ഇടപെടില്ലെന്നു പറയുന്നത്.
ഈ വിഷയം പാര്‍ട്ടിയോ നേതാക്കളോ ഉള്‍പ്പെട്ട പണമിടപാടല്ല. അതിനാല്‍ പാര്‍ട്ടി ഈ വിഷയം പരിശോധിക്കേണ്ട സാഹചര്യമില്ലെന്നും രാമചന്ദ്രന്‍ പിള്ള മാധ്യമപ്രവര്‍ത്തകരോടു പറഞ്ഞു.