നെടുമ്പാശ്ശേരി: അന്താരാഷ്ട്ര വിമാനത്താവളം വഴി നികുതി വെട്ടിച്ച് കടത്താന്‍ ശ്രമിച്ച 13.64 ലക്ഷം രൂപയുടെ സ്വര്‍ണം കസ്റ്റംസ് എയര്‍ ഇന്റലിജന്‍സ് വിഭാഗം പിടികൂടി.
സംഭവത്തില്‍ കാസര്‍കോട് സ്വദേശി അഹമ്മദ് അബ്ദുള്‍ നൗഷാദിനെ അറസ്റ്റ് ചെയ്തു. 466 ഗ്രാം സ്വര്‍ണ്ണമാണ് ഇയാളില്‍ നിന്നും പിടിച്ചെടുത്തത്. എയര്‍ അറേബ്യ വിമാനത്തില്‍ ഷാര്‍ജയില്‍ നിന്നാണ് ഇയാള്‍ നെടുമ്പാശ്ശേരിയിലെത്തിയത്.
സ്വര്‍ണം ഉരുക്കി കോയില്‍ രൂപത്തിലാക്കി ഇയാള്‍ ധരിച്ചിരുന്ന പാന്റിനകത്ത് ഒളിപ്പിച്ചിരിക്കുകയായിരുന്നു. ഇത്തരത്തിലുള്ള രണ്ട് സ്വര്‍ണ്ണ കോയിലുകളാണ് ഇയാളില്‍ നിന്നും കണ്ടെടുത്തത്.
തുടര്‍ച്ചയായ മൂന്നാം ദിവസമാണ് നെടുമ്പാശ്ശേരി അന്താരാഷ്ട്ര വിമാനത്താവളത്തില്‍ അനധികൃതമായി കടത്താന്‍ ശ്രമിക്കുന്ന സ്വര്‍ണം പിടികൂടുന്നത്.