സിയൂള്‍: കൈക്കൂലി കേസില്‍ സാംസങ് മേധാവി സീ ജേ യങ് ജയില്‍ മോചിതനായി. മുന്‍ പ്രസിഡന്റ് പാര്‍ക് ഗൂണ്‍ ഹേയുമായി ബന്ധപ്പെട്ട കൈക്കൂലി കേസിലാണ് സീ ജേ യങ് കഴിഞ്ഞ ഫെബ്രുവരി മുതല്‍ ജയിലിലായത്. അഞ്ചു വര്‍ഷമായിരുന്നു ശിക്ഷാ കാലാവധി. എന്നാല്‍ സിയൂള്‍ ഹൈക്കോടതി ഇത് പകുതിയായി കുറയ്ക്കുകയായിരുന്നു. എന്നാല്‍ സീ ജേ യങ് കൈക്കൂലി നല്‍കിയില്ലെന്ന് വിധിച്ചാണ് സിയൂള്‍ ഹൈക്കോടതി ഇന്നലെ ഇദ്ദേഹത്തെ മോചിപ്പിച്ചത്.
സീ ജേ യങിനെതിരേ ചുമത്തിയിരുന്ന വ്യാജ പണ അപഹരണം നടത്തല്‍, കൈക്കൂലി നല്‍കല്‍ എന്നീ കേസുകള്‍ കോടതി പിന്‍വലിച്ചു. എന്നാല്‍ ഇദ്ദേഹത്തെ മോചിപ്പിച്ചുകൊണ്ടുള്ള ഹൈക്കോടതി വിധി സുപ്രിംകോടതി തടയാന്‍ സാധ്യതയുണ്ട്.
ദക്ഷിണകൊറിയന്‍ രാഷ്ട്രീയത്തില്‍ ഏറെ കോളിളക്കം സൃഷ്ടിച്ചതായിരുന്നു സീ ജേ യങുമായി ബന്ധപ്പെട്ട കൈക്കൂലി കേസ്. മുന്‍ പ്രസിഡന്റ് പാര്‍ക് ഗൂണ്‍ ഹേക്ക് സ്ഥാനം നഷ്ടമാവാന്‍ കാരണമായതും ഈ കേസായിരുന്നു. പാര്‍ക്ക് ഗൂണ്‍ ഹേയുടെ സുഹൃത്ത് നടത്തുന്ന സ്ഥാപനത്തിലേക്ക് അനധികൃത സാമ്പത്തിക സഹായം നല്‍കിയെന്നാണ് സീ ജേ യങിനെതിരേയുണ്ടായ ആരോപണം.