കട്ടാങ്ങല്‍: എം.എസ്.എഫ് ജില്ലാ കമ്മിറ്റിയുടെ ജൈവ പച്ചക്കറിത്തോട്ടം മത്സരത്തിന്റെ ഭാഗമായി ചാത്തമംഗലം പഞ്ചായത്ത് കമ്മിറ്റിയുടെ നേതൃത്വത്തില്‍ സമൃദ്ധി 2017 പരിപാടി സംഘടിപ്പിച്ചു.
ജില്ലാ ലീഗ് സെക്രട്ടറി കെ.എ ഖാദര്‍ ഉദ്ഘാടനം ചെയ്തു. ഷമീര്‍ പാഴൂര്‍, റഫീഖ് കൂളിമാട്, അഷ്‌റഫ്, റജീബ് പാലക്കുറ്റി, നസീഫ് കൂളിമാട്, സല്‍സബീല്‍ സംസാരിച്ചു.
എളേറ്റില്‍: എം.എസ്.എഫ് ജില്ലാ കമ്മിറ്റി നടപ്പിലാക്കുന്ന ജൈവപച്ചക്കറി കൃഷിത്തോട്ട മത്സരത്തിന്റെ ഭാഗമായി കിഴക്കോത്ത് പഞ്ചായത്ത് കമ്മിറ്റി പന്നൂരില്‍ സംഘടിപ്പിച്ച സമൃദ്ധി 2017 എം.എസ്.എഫ് സംസ്ഥാന വിങ് കണ്‍വീനര്‍ കെ.ടി റഊഫ് ഉദ്ഘാടനം ചെയ്തു. പഞ്ചായത്ത് എം.എസ്.എഫ് പ്രസിഡന്റണ്ട് സൈനുദ്ദീന്‍ ചോലയില്‍ അധ്യക്ഷനായി.
കിഴക്കോത്ത് പഞ്ചായത്ത് യുവ കര്‍ഷക അവാര്‍ഡ് ജേതാവ് വി.പി അഷ്‌റഫ് മുഖ്യാതിഥിയായി. ജില്ലാ സെക്രട്ടറി കെ.ടി ജാസിം, എം.കെ.സി അബ്ദുറഹിമാന്‍, റാഷിദ് കാരക്കാട്, കെ.കെ ഇര്‍ഷാദ്, പി.കെ റസാഖ്, റിയാസ് വഴിക്കടവ്, ഉമര്‍ സാലിഹ്, ഫൈസല്‍ പറക്കുന്ന്, സി.പി അജ്മല്‍, കെ. മിര്‍സാഹ്, എം.പി ജസീല്‍ സംസാരിച്ചു.