വഴിക്കടവ്: യഥാര്‍ഥ മതേതരവാദികള്‍ക്ക് കോണ്‍ഗ്രസില്‍ നില്‍ക്കാനാവില്ലെന്ന് എം സ്വരാജ് എം.എല്‍.എ. വഴിക്കടവില്‍ സി.പി.എം ലോക്കല്‍ കമ്മിറ്റിയുടെ നേതൃത്വത്തില്‍ നടത്തിയ ജനസദസില്‍ സംസാരിക്കുകയായിരുന്നു അദ്ദേഹം. പകല്‍ കോണ്‍ഗ്രസിനും രാത്രി ആര്‍.എസ്.എസിനുമായി പ്രവര്‍ത്തിക്കുന്നവര്‍ കോണ്‍ഗ്രസില്‍ വേണ്ടെന്ന് എ.കെ ആന്റണിക്ക് പറയേണ്ടിവന്ന സാഹചര്യം ഗൗരവമായി കാണേണ്ടതുണ്ടെന്നും അദ്ദേഹം പറഞ്ഞു.
വി വിനയചന്ദ്രന്‍ അധ്യക്ഷനായി. പി.വി അന്‍വര്‍ എം.എല്‍.എ മുഖ്യപ്രഭാഷണം നടത്തി. കാസര്‍ഗോഡ് എന്‍ഡോസള്‍ഫാന്‍ ദുരിത ബാധിതര്‍ക്ക് വേണ്ടി സുപ്രീം കോടതിയില്‍ കേസ് വാദിക്കുന്ന വഴിക്കടവ് സ്വദേശിയായ സുപ്രീം കോടതി അഭിഭാഷകന്‍ ദീപക് പ്രകാശിനെയും അദ്ദേഹത്തിന്റെ അമ്മ ലക്ഷ്മിയേയും ചടങ്ങില്‍ എം.എല്‍.എമാര്‍ ആദരിച്ചു. ടി.കെ മനോജ് കുമാര്‍, എം.ആര്‍ ജയചന്ദ്രന്‍, പി.ടി ജോര്‍ജ്ജ്, ഇ.എ സുകു, കെ ചന്ദ്രന്‍, പി.ടി സാവിത്രി, പി.ടി ഉഷ, മുഹമ്മദ് അഷറഫ്, അനില്‍ റഹ്മാന്‍, മിനി എന്നിവര്‍ സംസാരിച്ചു.