കൊല്ലം: കോട്ടുക്കലില്‍ ആര്‍.എസ്.എസ് പ്രവര്‍ത്തകര്‍ തനിക്കുനേരെ നടത്തിയ ആക്രമണം ആസൂത്രിതമായിരുന്നെന്ന് കവി കുരീപ്പുഴ ശ്രീകുമാര്‍ മാധ്യമങ്ങളോട് പറഞ്ഞു. പുരോഗമന പ്രസ്ഥാനങ്ങള്‍ ജാഗ്രത പുലര്‍ത്തിയില്ലെങ്കില്‍ കേരളം വീണ്ടും ഭ്രാന്താലയമാകും. ആര്‍.എസ്.എസ് തന്നെ വീണ്ടും ആക്രമിച്ചേക്കാം. ജാതീതയ്‌ക്കെതിരേ സംസാരിക്കുമ്പോള്‍ ഇത്തരം ശക്തികള്‍ അംഗീകരിക്കില്ല. കഴിഞ്ഞ ദിവസം നടന്ന ആക്രമണം ഇതിന്റെ തെളിവാണെന്നും കുരീപ്പുഴ വ്യക്തമാക്കി.