എടവണ്ണപ്പാറ: വീട് സൗജന്യമായി വൈദ്യുതീകരിച്ച് എടവണ്ണപ്പാറ കെ.എസ്.ഇ.ബി വര്‍ക്കേഴ്‌സ് അസോസിയേഷന്‍, സി.ഐ.ടി.യു. സര്‍ക്കാറിന്റെ സമ്പൂര്‍ണ വൈദ്യുതീകരണത്തിന്റെ ഭാഗമായാണ് നിര്‍ധന കുടുംബങ്ങളായ വാഴക്കാട് പഞ്ചായത്തിലെ ചെറുവട്ടൂര്‍ പാറമ്മല്‍ കണ്ഠന്‍, മണ്ണറോട്ട'്പുറായ് സരോജനി എന്നിവര്‍ക്ക് വീട് പൂര്‍ണമായി വൈദ്യുതീകരിച്ച് നല്‍കിയത്.
ഓരോ വീടിനും 7,000 രൂപ വീതം ചെലവ് വന്നതായി അസോസിയേഷന്‍ പ്രവര്‍ത്തകര്‍ പറഞ്ഞു. തിങ്കളാഴച്ച വൈകുന്നേരം 3.30ന് കണ്ഠന്റെ വീട്ടില്‍ വാര്‍ഡ് അംഗം വിജയരാജനും സരോജനിയുടെ വീട്ടില്‍ ചിത്ര മണ്ണറോട്ടും സ്വിച്ച്ഓണ്‍ കര്‍മം നിര്‍വഹിച്ചു. അസിസ്റ്റന്റ് എന്‍ജിനിയര്‍ മോഹനന്‍, ഓവര്‍സിയര്‍ ബാലകൃഷ്ണന്‍, ടി ഗോവിന്ദന്‍ സംസാരിച്ചു.