മലപ്പുറം: ജില്ലാ ബോഡി ബില്‍ഡിങ് ചാംപ്യന്‍ഷിപ്പില്‍ 59 പോയിന്റ് നേടി റോയല്‍ ഫിറ്റ്‌നസ് മലപ്പുറം ഒന്നാം സ്ഥാനം നേടി. 49 പോയിന്റ് നേടി ഒക്‌സിജിം വളാഞ്ചേരി രണ്ടാംസ്ഥാനവും കരസ്ഥമാക്കി.
സീനിയര്‍ മിസ്റ്റര്‍ മലപ്പുറമായി സി.പി റഫീഖിനെയും ജൂനിയര്‍ മിസ്റ്റര്‍ മലപ്പുറമായി മുബഷിറിനെയും സബ്ജൂനിയര്‍ മിസ്റ്റര്‍ മലപ്പുറമായി ആദിലിനെയും തെരഞ്ഞടുത്തു. പി. ഉബൈദുല്ല എം.എല്‍.എ ഉദ്ഘാടനം ചെയ്തു. ബോഡി ബില്‍ഡിങ് അസോസിയേഷന്‍ സംസ്ഥാന സെക്രട്ടറി എം. പണിക്കര്‍ അധ്യക്ഷനായി. മലപ്പുറം മുനിസിപ്പല്‍ വ്യപാരി വ്യവസായി ഏകോപന സമിതി പ്രസിഡന്റ് നാരായണന്‍കുട്ടി, മലപ്പുറം ജില്ലാ ബാര്‍ കൗണ്‍സില്‍ പ്രസിഡന്റ് അഡ്വ. ഷാജേഷ് ഭാസ്‌കര്‍ സംസാരിച്ചു.