ശ്രീനഗര്‍: കുല്‍ഗാം ജില്ലയില്‍ സൈന്യം നടത്തിയ വെടിവയ്പില്‍ ഒരു യുവാവിന് പരുക്കേറ്റ സംഭവത്തില്‍ പൊലിസ് കേസെടുത്തു. ഹവൂര ഗ്രാമത്തില്‍ നടന്ന പ്രതിഷേധത്തിനു നേരെയാണ് സൈന്യം വെടിവയ്പ് നടത്തിയതെന്നാണ് നാട്ടുകാര്‍ പറയുന്നത്. ഭീകരര്‍ ഒളിച്ചുതാമസിക്കുന്നുണ്ടെന്ന വാര്‍ത്തയെ തുടര്‍ന്ന് തിരച്ചില്‍ നടത്തുന്നതിനിടയിലാണ് ഗ്രാമവാസികളില്‍ ചിലര്‍ പ്രതിഷേധവുമായി വന്നത്. ഇവര്‍ സൈന്യത്തിനുനേരെ ആക്രമണം നടത്തിയതോടെയാണ് വെടിവയ്പുണ്ടായതെന്നാണ് സൈനിക വക്താവ് പറഞ്ഞത്.