ഇജ്ജും പജ്ജും സെല്‍ഫി മത്സരത്തില്‍ കാമറയ്ക്ക് പോസ് ചെയ്ത് കന്നുകാലികള്‍
കരുളായി: ഇപ്പോ പഴയപോലെ മേഞ്ഞുനടക്കാനൊന്നും നേരമില്ല, അല്ലെങ്കില്‍ യൂത്തന്‍സ് അതിനു സമ്മതിക്കുന്നില്ല, തിന്നതൊക്കെ അയവിറക്കാന്‍പോയിട്ട്, സമാധാനത്തോടെ ഒരിടത്തു വിശ്രമിക്കാനും സമയമില്ല... പറഞ്ഞുവരുന്നത് ജില്ലയിലെ കന്നുകാലികളുടെ അവസ്ഥയാണ്. ഇജ്ജും പജ്ജും സെല്‍ഫി മത്സരത്തിലെ താരങ്ങളാണിപ്പോള്‍ കന്നുകാലികള്‍.
കരുളായായില്‍ 17, 18 തിയതികളിലായി നടക്കുന്ന ജില്ലാ ക്ഷീരോത്സവത്തിന്റെ ഭാഗമായി ജില്ലാ ക്ഷീരവികസന വകുപ്പ് നടത്തുന്ന സെല്‍ഫി മത്സരമാണ് 'ഇജ്ജും പജ്ജും'. മത്സരത്തിലേക്കു പശുക്കള്‍ക്കൊപ്പമുള്ള സെല്‍ഫി ഫോട്ടോകള്‍ അയച്ചുകൊടുത്താല്‍ മികച്ച ഫോട്ടോയ്ക്കു ജില്ലാ ക്ഷീരോത്സവത്തില്‍ സമ്മാനം നല്‍കും.
ഫ്രീക്ക് പയ്യന്മാര്‍വരെ പശുക്കളോടൊപ്പംനിന്ന് ഫോട്ടോ യ്ക്ക് പോസ് ചെയ്യുന്നു@്.
നാളെയോടെ സെല്‍ഫി മത്സരം അവസാനിക്കും. പതിനായിരക്കണക്കിന് സെല്‍ഫികളാണ് ജില്ലാ ക്ഷീരവികസന ഓഫിസില്‍ എത്തിയിട്ടുള്ളത്.