പാപ്പിനിശ്ശേരി: പിലാത്തറ- പാപ്പിനിശ്ശേരി കെ.എസ്.ടി.പി റോഡ് നിര്‍മ്മാണ പ്രവൃത്തിയുടെ പുരോഗതി വിലയിരുത്തുന്നതിനായി ലോക ബാങ്ക് അധികൃതര്‍ പിലാത്തറ മുതല്‍  പാപ്പിനിശ്ശേരി വരെയുള്ള ഭാഗങ്ങളില്‍  പരിശോധന  നടത്തി. പാപ്പിനിശ്ശേരി, താവം മേല്‍പ്പാലം പ്രവൃത്തികളില്‍ താവം പാലത്തിന്റെ ജോലികള്‍ ഇനിയും പൂര്‍ത്തിയായില്ല. ഇതിന്റെ ജോലികള്‍ പൂര്‍ ത്തിയാക്കുന്നതിന്  ഇനിയും മാസങ്ങളെടുക്കും. അതേ സമയം സര്‍ക്കാര്‍ അവസാനമായി അനുവദിച്ച 2017 മാര്‍ച്ച് 31 നുള്ളില്‍ ജോലികള്‍ ദ്രുതഗതിയില്‍ തീര്‍ക്കുന്നതിന് ആവശ്യമായ കര്‍ശന നടപടികള്‍ സ്വീകരിക്കണമെന്ന് കെ.എസ്.ടി.പി ക്കും, കരാറുകാരായ ആര്‍.ഡി.എസിനും ലോക ബാങ്ക് അധികൃതര്‍ നിര്‍ദ്ദേശം നല്‍കി.
കാട്ടിലെപള്ളിക്ക് സമീപത്തുളള ഹിദായത്ത് സ്‌കൂളിലേക്കുള്ള  ഗേറ്റ് തടസ്സപ്പെടുന്നതിനാല്‍ സ്‌കൂളിലേക്കുള്ള വഴി തടസ്സപ്പെടാതെ ബദര്‍ മാര്‍ഗ്ഗം ഒരുക്കുന്നതിന് സംവിധാനമൊരുക്കുമെന്നും, പാപ്പിനിശ്ശേരി ഗവ.മാപ്പിള  സ്‌കൂളിന് തടസ്സമാകാത്ത രീതിയില്‍ ബസ് സ്റ്റോപ് അനുവദിക്കുന്നതിന് ശ്രമിക്കുമെന്നും ഉദ്യോഗസ്ഥര്‍ അറിയിച്ചു.
 ലോക ബാങ്ക് കണ്‍സള്‍ട്ടിങ് വിഭാഗത്തിലെ ട്രാഫിക് എന്‍ജിനീയര്‍ സോണി,  റോഡ് സുരക്ഷ എന്‍ജിനീയര്‍ സതീഷ് , കെ.എസ്.ടി.പി ചീഫ് എന്‍ജിനീയര്‍ ജീവന്‍രാജ്, പ്രൊജക്ട് ഡയറക്ടര്‍ സതീശന്‍, എക്‌സിക്യൂട്ടിവ് എന്‍ജിനീയര്‍ മുഹമ്മദ് ഇസ്ഹാഖ്, അസി. എന്‍ജിനീയര്‍ ദിവാകരന്‍, എ.ഇ മധു തുടങ്ങിയവര്‍ സ്ഥലം സന്ദര്‍ശിച്ചു.