കാഞ്ഞങ്ങാട്: നഗരത്തിലെ ഓട്ടോ ഡ്രൈവറെ ഓട്ടം വിളിച്ചു കൊണ്ടുപോയി ഒരു സംഘം അക്രമിച്ചതായി പരാതി. സംഭവത്തില്‍ പരുക്കേറ്റ ഓട്ടോ ഡ്രൈവറെ കാഞ്ഞങ്ങാട് ജില്ലാ ആശുപത്രിയില്‍ പ്രവേശിപ്പിച്ചു. ബി.എം.എസ് പ്രവര്‍ത്തകനും നഗരത്തിലെ ഓട്ടോ ഡ്രൈവറുമായ മാവുങ്കാല്‍ കാട്ടുകുളങ്ങര കപ്പണക്കാല്‍ കുഞ്ഞിരാമ (57) നെയാണു വെട്ടേറ്റ പരുക്കുകളോടെ ആശുപത്രിയില്‍ പ്രവേശിപ്പിച്ചത്.
ഇയാള്‍ ഓടിക്കുന്ന കെ.എല്‍ 60 ജി 9755 നമ്പര്‍ ഓട്ടോയാണു കഴിഞ്ഞ ദിവസം വൈകുന്നേരത്തോടെ   നഗരത്തിനു സമീപത്തെ സ്റ്റാന്‍ഡില്‍ നിന്നു മൂന്നു പേര്‍ കൊളവയല്‍ കാറ്റാടിയിലേക്കു വാടകയ്ക്കു വിളിച്ചുകൊണ്ടുപോയത്. തുടര്‍ന്നു കൊത്തിക്കാല്‍ പ്രദേശത്ത് എത്തിയപ്പോള്‍  മാരകായുധങ്ങള്‍ ഉപയോഗിച്ച് ഇയാളെ അക്രമിക്കുകയായിരുന്നുന്നുവെന്നു പറയുന്നു. സംഭവത്തില്‍ പ്രതിഷേധിച്ച് ഇന്നലെ കാഞ്ഞങ്ങാട്ട് ബി.എം.എസ് നേതൃത്വത്തില്‍ പ്രതിഷേധ പ്രകടനം നടന്നു.