കോഴിക്കോട്: കോഴിക്കോട് ജില്ലാ കലക്ടര്‍ എന്‍. പ്രശാന്തിനെ തല്‍സ്ഥാനത്തു നിന്ന് മാറ്റി. പകരം ടൂറിസം ഡയരക്ടറായിരുന്ന യു. വി ജോസ് സ്ഥാനമേല്‍ക്കും.
ഇന്നത്തെ മന്ത്രിസഭായോഗത്തിലാണ് തീരുമാനം. പ്രശാന്തിന് നല്‍കേണ്ട പുതിയ ചുമതല സംബന്ധിച്ച് മന്ത്രിസഭ യോഗത്തില്‍ ധാരണയായില്ല.

എംകെ രാഘവന്‍ എംപിയുമായുള്ള എന്‍ പ്രശാന്തിന്‍റെ തര്‍ക്കങ്ങള്‍ ഏറെ വിവാദങ്ങള്‍ സൃഷ്ടിച്ചിരുന്നു. കലക്ടറുടെ സോഷ്യല്‍ മീഡിയ ഉപയോഗത്തെ സംബന്ധിച്ചും ഏറെ ആരോപണങ്ങള്‍ ഉയര്‍ന്നിരുന്നു.