പെരിന്തല്‍മണ്ണ: പെരിന്തല്‍മണ്ണ നഗരസഭയില്‍ മഴക്കാല രോഗപ്രതിരോധ ശുചീകരണ പ്രവര്‍ത്തനങ്ങള്‍ ആരംഭിച്ചു. ശുചീകരണ പ്രവര്‍ത്തനത്തിന്റെ ഭാഗമായി ചെമ്പംക്കുന്ന് ആറാം വാര്‍ഡിലെ 400 വീടുകള്‍ ശുചിയാക്കി. വാര്‍ഡ് കൗണ്‍സിലറായ കിഴിശ്ശേരി മുസ്തഫ, ജൂനിയര്‍ ഹെല്‍ത്ത് ഇന്‍സ്‌പെക്ടര്‍ എന്‍.അനില്‍, സാമൂഹ്യ പ്രവര്‍ത്തകരായ യു.പി. സതീശന്‍, യു.പി.വിനോദ്, കാരാടന്‍ റിന്‍ഷാദ് എന്നിവരുടെ നേതൃത്വത്തില്‍ ശുചീകരണ പ്രവര്‍ത്തനവും ബോധവല്‍ക്കരണ നോട്ടീസ് വിതരണവും നടന്നു.