മഞ്ചേരി: മഞ്ചേരി നഗരസഭയുടെ ആഭിമുഖ്യത്തില്‍  മുനിസിപ്പല്‍  പരിധിയിലുള്ള  എസ്.എസ്.എല്‍.സി, പ്ലസ്ടു വിദ്യാര്‍ഥികളിലെ ഉന്നത വിജയികള്‍ക്ക് അവാര്‍ഡ് നല്‍കി.  ഗവണ്‍മെന്റ്  , എയ്ഡഡ് സ്‌കൂളുകളില്‍ നിന്നുള്ള 163  വിദ്യാര്‍ഥികളെയാണു നഗരസഭ അവാര്‍ഡ് നല്‍കി ആദരിച്ചത്. മഞ്ചേരി അര്‍ബണ്‍ബാങ്ക് ഓഡിറ്റോറിയത്തില്‍ നടന്ന ചടങ്ങ് അഡ്വ. എം ഉമ്മര്‍ എംഎല്‍എ ഉദ്ഘാടനം ചെയ്തു. മുനിസിപ്പല്‍ ചെയര്‍പേഴ്‌സണ്‍ വി.എം സുബൈദ അധ്യക്ഷയായി. മുനിസിപ്പല്‍ വൈസ് ചെയര്‍മാന്‍ വി.പി ഫിറോസ് ,പൊതുമരാമത്ത് സ്റ്റാന്റിംഗ് കമ്മറ്റി ചെയര്‍മാന്‍  വല്ലാഞ്ചിറ മുഹമ്മദലി , സജ്‌നടീച്ചര്‍ തുടങ്ങിയവര്‍ പ്രസംഗിച്ചു.