തിരുവനന്തപുരം:കേരള സ്റ്റേറ്റ് റോഡ് ഫണ്ടണ്ട് ബോര്‍ഡ് (കെ.ആര്‍.എഫ്.ബി)പുനഃസംഘടിപ്പിക്കാന്‍ മന്ത്രിസഭായോഗം തീരുമാനിച്ചു. കേരള ഇന്‍ഫ്രാസ്ട്രക്ചര്‍ ഇന്‍വെസ്റ്റ്‌മെന്റ് ഫണ്ടണ്ട് ബോര്‍ഡിന്റെ (കിഫ്ബി)സാമ്പത്തിക സഹായത്താല്‍ പൊതുമരാമത്ത് വകുപ്പ് നടപ്പാക്കുന്ന അടിസ്ഥാനസൗകര്യ വികസന പദ്ധതികളുടെ സ്‌പെഷല്‍ പര്‍പ്പസ് വെഹിക്കിളായി കെ.ആര്‍.എഫ്.ബി നിര്‍ദേശിക്കപ്പെട്ടിരുന്നു.

ബിനു ബെനഡിക്ടിന് തസ്തികമാറ്റം നല്‍കും

തിരുവനന്തപുരം: മണല്‍ മാഫിയയുടെ ആക്രമണത്തിനിരയായി ചലനശേഷി നഷ്ടപ്പെട്ട് ചികിത്സയില്‍ കഴിയുന്ന കോഴിക്കോട് സിറ്റി എ.ആറിലെ സിവില്‍ പൊലിസ് ഓഫിസര്‍ ബിനു ബെനഡിക്ടിന് തസ്തികമാറ്റം നല്‍കാന്‍ മന്ത്രിസഭായോഗം തീരുമാനിച്ചു.
കൊല്ലം ജില്ലാ സായുധസേനയില്‍ സമാന ശമ്പള സ്‌കെയിലും ആനുകൂല്യങ്ങളുമുള്ള സൂപ്പര്‍ ന്യൂമററി തസ്തിക സൃഷ്ടിച്ചാണ് മാറ്റം നല്‍കുക.