കിംബെര്‍ലി: വനിതാ ക്രിക്കറ്റ് പോരാട്ടത്തിന്റെ ചരിത്രത്തില്‍ ആദ്യമായി 200 വിക്കറ്റുകള്‍ തികയ്ക്കുന്ന താരമെന്ന അപൂര്‍വ റെക്കോര്‍ഡ് ഇന്ത്യന്‍ വെറ്ററന്‍ പേസര്‍ ജുലന്‍ ഗോസ്വാമിക്ക്. ദക്ഷിണാഫ്രിക്കയ്‌ക്കെതിരായ ഏകദിന ചാംപ്യന്‍ഷിപ്പിലെ രണ്ടാം മത്സരത്തില്‍ ലൗറ വോല്‍വര്‍ട്ടിനെ വിക്കറ്റ് കീപ്പര്‍ സുഷമ വര്‍മയുടെ കൈകളിലെത്തിച്ചാണ് ജുലന്‍ ഗോസ്വാമി റെക്കോര്‍ഡ് സ്വന്തമാക്കിയത്. 166 ഏകദിന മത്സരങ്ങളില്‍ നിന്നാണ് താരം 200 വിക്കറ്റുകളെന്ന നേട്ടത്തിലെത്തിയത്. 31 റണ്‍സ് വഴങ്ങി ആറ് വിക്കറ്റുകള്‍ വീഴ്ത്തിയതാണ് ഏകദിനത്തിലെ മികച്ച ബൗളിങ് പ്രകടനം.