തിരുവനന്തപുരം: കേരളത്തിലെ പൊതുമേഖലാസഹകരണ സ്പിന്നിങ് മില്ലുകള്‍ തുറന്ന് പ്രവര്‍ത്തിക്കുന്നതിന് 18.5 കോടി രൂപ അനുവദിച്ചു. മില്ലുകള്‍ പ്രവര്‍ത്തിപ്പിക്കുന്നതിനാവശ്യമായ കോട്ടണ്‍ സി.സി.പി.സി മുഖേന ഇ-ടെണ്ടര്‍ വഴി വാങ്ങുന്നതിനും, തൊഴിലാളികളുടെ ഡിസംബര്‍ മാസം വരെയുള്ള ശമ്പളക്കുടിശ്ശികയുടെ 50% നല്‍കുവാനും, മില്ലുകളുടെ അറ്റകുറ്റ പണികള്‍ക്കും വേണ്ടിയാണ് തുക അനുവദിച്ചത്.
മില്ലുകള്‍ ഒരാഴ്ചക്കകം തുറന്ന് പ്രവര്‍ത്തിപ്പിക്കുന്നതിന് ആവശ്യമായ പ്രവര്‍ത്തനങ്ങള്‍ സംഘടിപ്പിക്കുന്നതിന് മില്‍ എംഡിമാര്‍ക്ക് മന്ത്രി എ സി മൊയ്തീന്‍ നിര്‍ദ്ദേശം നല്‍കി. ലേഓഫീലായ കെ.എസ്.ടി.സിക്ക് കീഴില്‍ പ്രവര്‍ത്തിച്ചിരുന്ന പ്രഭൂറാം മില്‍സ് ചെങ്ങന്നൂര്‍, കോട്ടയം ടെക്സ്റ്റയില്‍സ് ഏറ്റുമാനൂര്‍, എടരിക്കോട് സ്പ്ന്നിങ് മില്‍സ് മലപ്പുറം, മലബാര്‍ സ്പിന്നിങ് മില്‍സ് കോഴിക്കോട്, തൃശൂര്‍ സഹകരണ സ്പിന്നിങ് മില്‍സ്, കൊല്ലം സഹകരണ സ്പിന്നിങ് മില്‍സ് തുടങ്ങിയ മില്ലുകള്‍ തുറന്ന് പ്രവര്‍ത്തിപ്പിക്കും.