കൊച്ചി: നടന്‍ കുഞ്ചാക്കോ ബോബന് ഭൂമി വാഗ്ദാനം നല്‍കി 25 ലക്ഷം രൂപ തട്ടിയെടുത്തയാളെ പൊലിസ് പിടികൂടി. കട്ടപ്പന കാഞ്ചിയാര്‍ പുളിമൂട്ടില്‍ പി.ജെ വര്‍ഗീസിനെ(55)യാണ് കടവന്ത്ര പൊലിസ് അറസ്റ്റ് ചെയ്തത്. റിയല്‍ എസ്‌റ്റേറ്റ് ബിസിനസില്‍ പങ്കാളിയാക്കാമെന്ന് വിശ്വസിപ്പിച്ചായിരുന്നു തട്ടിപ്പ്.
പണം വാങ്ങിയശേഷം ഭൂമിയും പണവും തിരികെ നല്‍കാതെ വഞ്ചിച്ചുവെന്ന പരാതിയിലാണ് കേസെടുത്തത്. രണ്ട് വര്‍ഷം മുന്‍പ് പുത്തന്‍കുരിശിലുള്ള രണ്ടര ഏക്കര്‍ സ്ഥലം നല്‍കാമെന്ന് വിശ്വസിപ്പിച്ചാണ് വര്‍ഗീസ് മുന്‍കൂര്‍ പണം വാങ്ങിയത്. നാളുകള്‍ കഴിഞ്ഞിട്ടും ഭൂമി കച്ചവടം നടന്നില്ല. ഭൂമിയും പണവും നഷ്ടപ്പെട്ടതോടെയാണ് ബോബന്‍ പൊലിസില്‍ പരാതി നല്‍കിയത്.