അടിമാലി: റിസോര്‍ട്ടിന് സമീപത്തെ കുളം വറ്റിക്കുന്നതിനെ ചൊല്ലിയുള്ള തര്‍ക്കത്തിനിടെ നടന്‍ ബാബുരാജിന് വെട്ടേറ്റ സംഭവത്തില്‍ ദമ്പതികള്‍ അറസ്റ്റില്‍.
തറമുട്ടം സണ്ണി(54), ഭാര്യ ലിസി (51) എന്നിവരെയാണ് അറസ്റ്റു ചെയ്തത്. വധശ്രമത്തിനാണ് കേസ്. കോടതി പ്രതികളെ റിമാന്‍ഡ് ചെയ്തു.
പ്രതികളുടെ വീടിന് സമീപത്ത് ബാബുരാജിന്റെ റിസോര്‍ട്ടിലുള്ള കുളം വറ്റിക്കുന്നതിനെ ചൊല്ലിയുള്ള തര്‍ക്കത്തിനിടെയാണ് ബാബുരാജിന് വെട്ടേറ്റത്. കുളം വറ്റിച്ചാല്‍ സണ്ണിയുടെ കിണറ്റിലെ വെള്ളംവറ്റുമെന്നായിരുന്നു പരാതി. ഇത് സംബന്ധിച്ചുള്ള പ്രശ്‌നം പറഞ്ഞ് തീര്‍ക്കാമെന്ന് അടിമാലി പൊലിസ് ഉറപ്പ് നല്‍കിയിരുന്നു.