റിയാദ്: സഊദിയും ഇന്ത്യയും തമ്മിലുള്ള ഉഭയകക്ഷി ബന്ധം ഇപ്പോള്‍ ദൃഢമാണെന്നും അതിന്റെ പ്രതിഫലനമാണ് സഊദിയുടെ ഏറ്റവും വലിയ പൈതൃകോത്സവത്തിന് ഇന്ത്യക്ക് ലഭിച്ച ക്ഷണമെന്നും ഇന്ത്യന്‍ വിദേശകാര്യ മന്ത്രി സുഷമാ സ്വരാജ്. ഇന്ത്യ അതിഥിയായി പങ്കെടുക്കുന്ന 'ജനാദിരിയ്യ' മേളയില്‍ പങ്കെടുക്കാന്‍ സഊദിയിലെത്തിയ ഇവര്‍ റിയാദില്‍ ഇന്ത്യന്‍ പൗരസമൂഹത്തെ അഭിസംബോധന ചെയ്തു സംസാരിക്കുകയായിരുന്നു.
നിലവിലെ ഭരണകൂടത്തിനു രണ്ടു സമ്മാനങ്ങളാണ് സഊദി നല്‍കിയത്. നേരത്തെ യമനില്‍ ആഭ്യന്തര സംഘര്‍ഷത്തില്‍ കുടുങ്ങിയ ഇന്ത്യക്കാരെ രക്ഷിക്കാന്‍ ആവശ്യപ്പെട്ടപ്പോള്‍ സഊദി നല്‍കിയ സഹായമാണ് ഒന്നാമത്തേത്. നരേന്ദ്ര മോദി ഭരണം ഏറ്റെടുത്ത ശേഷം സൗഹൃദം കൂടുതല്‍ ശക്തമായെന്നും സുഷമ അഭിപ്രായപ്പെട്ടു.