ലഖ്‌നോ: ഉത്തര്‍പ്രദേശിലെ 11 ജില്ലകളിലെ 67 മണ്ഡലങ്ങളില്‍ നടന്ന രണ്ടാം ഘട്ട തെരഞ്ഞെടുപ്പ് സമാധാനപരമായി അവസാനിച്ചതില്‍ ബി.എസ്.പി നേതാവ് മായാവതി ജനങ്ങളെ അഭിനന്ദിച്ചു.
തെരഞ്ഞെടുപ്പില്‍ ബി.എസ്.പി വന്‍വിജയം നേടുമെന്നും തെരഞ്ഞെടുപ്പ് കഴിഞ്ഞ ഉടനെ നടത്തിയ പ്രസ്താവനയില്‍ അവര്‍ പറഞ്ഞു.
പാര്‍ട്ടിക്ക് അനുകൂലമായ സാഹചര്യമാണ് ഇപ്പോഴുള്ളത്. പാര്‍ട്ടി നേതാക്കളെയും പ്രവര്‍ത്തകരെയും വോട്ടര്‍മാരെയും അഭിനന്ദിച്ച അവര്‍ നിര്‍ണായകമായ അഞ്ച് ഘട്ടങ്ങളിലായുള്ള തെരഞ്ഞടുപ്പിലും പാര്‍ട്ടിയെ അനുകൂലിക്കണമെന്നും അവര്‍ ആവശ്യപ്പെട്ടു.