റിയാദ്: സഊദിയില്‍ ഔദ്യോഗിക സന്ദര്‍ശനത്തിയ ഇന്ത്യന്‍ വിദേശകാര്യ മന്ത്രി സുഷമ സ്വരാജ് സഊദി ഭരണാധികാരി സല്‍മാന്‍ രാജാവുമായി കൂടിക്കാഴ്ച നടത്തി. ജനാദിരിയ സാംസ്‌കാരിക ആഘോഷത്തിന്റെ ഭാഗമായി നടന്ന കൂടിക്കാഴ്ചയില്‍ സഊദി വിദേശകാര്യ മന്ത്രി ആദില്‍ അല്‍ജുബൈര്‍, സഊദിയിലെ ഇന്ത്യന്‍ അംബാസഡര്‍ അഹമദ് ജവേദ്, ഇന്ത്യയിലെ സഊദി അംബാസഡര്‍ ഡോ. സുഊദ് ബിന്‍ മുഹമ്മദ് അസ്സാതി, സല്‍മാന്‍ രാജാവിന്റെ സെക്രട്ടറി തമീം ബിന്‍ അബ്ദുല്‍ അസീസ് അസ്സാലിം എന്നിവര്‍ പങ്കെടുത്തു. കൂടിക്കാഴ്ചയില്‍ ഇരു രാജ്യങ്ങളും തമ്മിലുള്ള ബന്ധം ശക്തമാക്കുന്ന വിഷയങ്ങള്‍ ചര്‍ച്ച ചെയ്തതായി സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു.