കോഴിക്കോട്: അര്‍ബുദരോഗ പരിപാലന കേന്ദ്രത്തില്‍ സംഗീതത്തിന്റെ സാന്ത്വന സ്പര്‍ശം.
സംസ്ഥാനത്തു സഹകരണ മേഖലയിലെ ആദ്യ സമ്പൂര്‍ണ അര്‍ബുദ ചികിത്സാ കേന്ദ്രമായ എം.വി.ആര്‍ കാന്‍സര്‍ സെന്റര്‍ ആന്‍ഡ് റിസേര്‍ച് ഇന്‍സ്റ്റിറ്റ്യൂട്ടിലാണ് കര്‍ണാടക സംഗീതരംഗത്തെ അതുല്യ കലാകാരനായ കലാരത്‌നം കെ.ജി ജയന്‍ (ജയ വിജയന്‍) സംഗീതകച്ചേരി അവതരിപ്പിച്ചത്. സി.എസ് അനുരൂപ് (വയലിന്‍), കുമരകം ഗണേഷ് ഗോപാല്‍ ( ഘടം), അയ്മനം രാധാകൃഷ്ണന്‍ (തബല), കോട്ടയം എസ്. മുരളീധരന്‍ (ശംഖ് ), അയ്മനം സജീവ് കുമാര്‍ (മൃദംഗം) എന്നീ കലാകാരന്‍മാര്‍ വാദ്യഅകമ്പടി തീര്‍ത്തു. എം.വി.ആര്‍ കാന്‍സര്‍ സെന്റര്‍ ചെയര്‍മാന്‍ സി.എന്‍ വിജയകൃഷ്ണന്‍ കെ.ജി ജയനെ പൊന്നാടയണിയിച്ച് ആദരിച്ചു. വേലായുധന്‍ ആമുഖഭാഷണം നടത്തി.