ന്യൂഡല്‍ഹി: കോണ്‍ഗ്രസ് നേതാവും മുന്‍ ധനമന്ത്രിയുമായ പി ചിദംബരത്തിന്റെ വീട്ടില്‍ നടത്തിയ റെയ്ഡില്‍ സി.ബി.ഐയുടെ രഹസ്യറിപ്പോര്‍ട്ട് ലഭിച്ചെന്ന് എന്‍ഫോഴ്‌സ്‌മെന്റ് ഡയറക്ടറേറ്റ്. എയര്‍സെല്‍-മാക്‌സിസ് കേസുമായി ബന്ധപ്പെട്ട് മുദ്രവെച്ച കവറില്‍ സുപ്രിംകോടതിയില്‍ സമര്‍പ്പിച്ച രേഖകളാണ് കണ്ടെത്തിയത്. 2018 ജനുവരി 13ന് നടത്തിയ പരിശോധനയിലാണ് ഇവ കണ്ടെത്തിയത്.

ചിദംബരത്തിന്റെ വീട്ടില്‍നിന്ന് കണ്ടെടുത്തത് റിപ്പോര്‍ട്ടിന്റെ ഒപ്പ് രേഖപ്പെടുത്താത്ത പകര്‍പ്പാണെന്ന് എന്‍ഫോഴ്‌സ്‌മെന്റ് വ്യക്തമാക്കുന്നു. ഇക്കാര്യം സി.ബി.ഐയുടെ ശ്രദ്ധയില്‍ കൊണ്ടുവന്നിട്ടുണ്ടെന്നും രേഖ എങ്ങനെയാണ് ചിദംബരത്തിന്റെ വീട്ടില്‍ എത്തിയതെന്ന കാര്യം അന്വേഷിച്ചുവരികയാണെന്നും എന്‍ഫോഴ്‌സ്‌മെന്റ് വ്യക്തമാക്കി.