കോഴിക്കോട്: ഐ.എച്ച്.ആര്‍.ഡിയുടെ കീഴില്‍ വാഴക്കാട് പ്രവര്‍ത്തിക്കുന്ന കോളജ് ഓഫ് അപ്ലൈഡ് സയന്‍സില്‍ ബി.എസ്.സി ഇലക്‌ട്രോണിക്‌സ്, ബി.എസ്.സി കംപ്യൂട്ടര്‍ സയന്‍സ് കോഴ്‌സുകളിലേക്ക് ഈ അധ്യായന വര്‍ഷത്തേക്കുള്ള പ്രവേശനത്തിന് അപേക്ഷ ക്ഷണിച്ചു. ജൂണ്‍ പത്ത് വരെ അപേക്ഷകള്‍ കോളജില്‍ സ്വീകരിക്കും. അപേക്ഷ ഫോറം ഐ.എച്ച്.ആര്‍.ഡി വെബ്‌സൈറ്റില്‍ ലഭ്യമാണ്. ഡൗണ്‍ലോഡ് ചെയ്ത അപേക്ഷ ഫോറം 200 രൂപ രജിസ്‌ട്രേഷന്‍ ഫീ സഹിതം കോളജ് ഓഫിസില്‍ സമര്‍പ്പിക്കേണ്ടതാണ്. എസ്.സി, എസ്.ടി വിഭാഗക്കാര്‍ക്ക് 100 രൂപയാണ് രജിസ്‌ട്രേഷന്‍ ഫീ. ഫോണ്‍ 0483 2727070.