മഞ്ചേരി: എസ്.കെ.എസ്.എസ്.എഫ് മലപ്പുറം ജില്ലാ സമ്മേളനമായ മദീനപാഷന് വെള്ളിയാഴ്ച തുടക്കമാകും. മഞ്ചേരി ഹുദൈബിയ്യയില്‍ നടക്കുന്ന പരിപാടി 17ന് വൈകിട്ട് നാലിനു ജാമിഅ ഇസ്‌ലാമിയ്യ കാംപസില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും.
ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ മുഖ്യാതിഥിയാകും. ബഷീര്‍ ഫൈസി ദേശമംഗലം മുഖ്യപ്രഭാഷണം നടത്തും. 7.30ന് മജ്‌ലിസുന്നൂര്‍ ആത്മീയ സംഗമം നടക്കും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും. അത്തിപ്പറ്റ മൊയ്തീന്‍കുട്ടി മുസ്‌ലിയാര്‍, ഏലംകുളം ബാപ്പു മുസ്‌ലിയാര്‍ നേതൃത്വം നല്‍കും. ശനിയാഴ്ച രാവിലെ ഒന്‍പതിനു തുറക്കല്‍ എച്ച്.എം.എസ് സ്‌കൂള്‍ ഹാളില്‍ ക്യാംപ് നടക്കും. ലീഡേഴ്‌സ് കാരവനിലൂടെ തെരഞ്ഞെടുക്കപ്പെട്ട 6,000 പ്രതിനിധികള്‍ പങ്കെടുക്കും. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്യും.
ജില്ലാ ജനറല്‍ സെക്രട്ടറി പി. കുഞ്ഞാണി മുസ്‌ലിയാര്‍ അധ്യക്ഷനാകും. പി.വി അബ്ദുല്‍ വഹാബ് എം.പി മുഖ്യാതിഥിയാകും. വിവിധ സെഷനുകളില്‍ സി.എച്ച് ത്വയ്യിബ് ഫൈസി, റഹീം ചുഴലി, അബ്ദുല്‍ ഗഫൂര്‍ അന്‍വരി, എം.ടി അബൂബക്കര്‍ ദാരിമി, പാണക്കാട് സയ്യിദ് അബ്ബാസലി ശിഹാബ് തങ്ങള്‍, അബ്ദുല്‍ ഗഫൂര്‍ ഖാസിമി, ശറഫുദ്ദീന്‍ ഹുദവി ആനമങ്ങാട്, അബ്ദുല്‍ സലാം ഫൈസി ഒളവട്ടൂര്‍, ഡോ. സാലിം ഫൈസി കൊളത്തൂര്‍, ജലീല്‍ റഹ്മാനി വാണിയന്നൂര്‍ സംസാരിക്കും.
ഞായറാഴ്ച രാവിലെ 9.30ന് അല്‍ബൈക്ക് കോണ്‍ഫറന്‍സ് ഹാളില്‍ തലമുറ സംഗമം എം.പി മുഹമ്മദ് മുസ്‌ലിയാര്‍ കടുങ്ങല്ലൂരിന്റെ അധ്യക്ഷതയില്‍ വാക്കോട് മൊയ്തീന്‍ കുട്ടി ഫൈസി ഉദ്ഘാടനം ചെയ്യും. 11.30ന് പ്രവാസി സംഗമം പുറങ്ങ് അബ്ദുല്ല മുസ്‌ലിയാരുടെ അധ്യക്ഷതയില്‍ ആദൃശ്ശേരി ഹംസക്കുട്ടി മുസ്‌ലിയാര്‍ ഉദ്ഘാടനം ചെയ്യും. വൈകിട്ട് അഞ്ചിനു മഞ്ചേരി ഇന്ദിരാഗാന്ധി ബസ് സ്റ്റാന്‍ഡ് പരിസരത്ത് ഹുദൈബിയ്യ നഗരിയില്‍ നടക്കുന്ന സമാപന സമ്മേളനം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് ഹമീദലി ശിഹാബ് തങ്ങള്‍ അധ്യക്ഷനാകും. സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി ആമുഖ പ്രഭാഷണം നടത്തും. പാണക്കാട് സയ്യിദ് സ്വാദിഖലി ശിഹാബ് തങ്ങള്‍ അനുഗ്രഹ പ്രഭാഷണം നടത്തും. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും. പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി, എം.ഐ ഷാനവാസ് എം.പി മുഖ്യാതിഥിയാകും. അബ്ദുല്‍ ഹമീദ് ഫൈസി അമ്പലക്കടവ്, റഹ്മത്തുല്ലാഹ് ഖാസിമി മൂത്തേടം, അബ്ദുസ്സമദ് പൂക്കോട്ടൂര്‍, ഓണംപിള്ളി മുഹമ്മദ് ഫൈസി, സത്താര്‍ പന്തലൂര്‍ പ്രസംഗിക്കും.
വാര്‍ത്താസമ്മേളനത്തില്‍ സംസ്ഥാന ജനറല്‍ സെക്രട്ടറി സത്താര്‍ പന്തലൂര്‍, ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ തങ്ങള്‍, ജനറല്‍ സെക്രട്ടറി ശഹീര്‍ അന്‍വരി, ട്രഷറര്‍ സി.ടി ജലീല്‍ മാസ്റ്റര്‍ പട്ടര്‍കുളം, ഉമര്‍ ദാരിമി പുളിയക്കോട്, നൗഷാദ് ചെട്ടിപ്പടി പങ്കെടുത്തു.