കുന്നംകുളം: കേച്ചേരി എരനെല്ലൂര്‍ പള്ളിയിലെ അമ്പ് തിരുനാള്‍ ആഘോഷത്തിലേക്ക് മാരുതി വാന്‍ കയറി ഒരാള്‍ മരിച്ച കേസില്‍ ഡ്രൈവര്‍ അറസ്റ്റില്‍. മലപ്പുറം കാവനൂര്‍ പഞ്ചായത്തില്‍ നീരുട്ടി ചാലില്‍, വീരാന്‍ കുട്ടിയുടെ മകന്‍ റഹ്മത്തുള്ള (35) ആണ് അറസ്റ്റിലായത്. ശനിയാഴ്ച വൈകീട്ടായിരുന്നു സംഭവം. എരനെല്ലൂര്‍ പള്ളിയിലെ അമ്പ് പെരുന്നാള്‍ ഘോഷയാത്ര കയ്പറമ്പ് ഭാഗത്തുനിന്ന് പള്ളിയിലേക്ക് വരുന്നതിനിടെ വാന്‍ അശ്രദ്ധയോടെ ഓടിച്ചതിനെതുടര്‍ന്ന് ഘോഷയാത്രയിലേക്ക് കയറുകയായിരുന്നു. അപകടത്തില്‍ എരനെല്ലൂര്‍ ആറങ്ങാശ്ശേരി, കുരിയാക്കുവിന്റെ മകന്‍ ഡേവിഡ് (64) മരണപ്പെട്ട സംഭവത്തില്‍ കുന്നംകുളം പൊലിസ് കേസെടുത്തിരുന്നു.