പ്യോങ്ചാങ്: ശീതകാല ഒളിംപിക്‌സ് പോരാട്ടങ്ങള്‍ക്ക് ഇന്ന് തുടക്കം. ഇന്ന് മുതല്‍ 25 വരെ ദക്ഷിണ കൊറിയയിലെ പ്യോങ്ചാങിലാണ് മത്സരങ്ങള്‍ അരങ്ങേറുന്നത്.
15 വിന്റര്‍ കായിക ഇനങ്ങളിലായി 102 മത്സരങ്ങളാണ് അരങ്ങേറുക. സ്‌കീയിങ്, സ്‌കേറ്റിങ്, ല്യൂജ്, സ്‌കൈ ജംപിങ്, ഐസ് ഹോക്കി, സ്‌നോ ബോര്‍ഡറിങ് തുടങ്ങി ഇനങ്ങളിലാണ് മത്സരങ്ങള്‍. ഇന്ത്യയടക്കം 90 രാജ്യങ്ങള്‍ ശീതകാല ഒളിംപിക്‌സില്‍ പങ്കെടുക്കുന്നുണ്ട്. ല്യൂജില്‍ ഇന്ത്യയുടെ മെഡല്‍ പ്രതീക്ഷയുമായി മുതിര്‍ന്ന താരം ശിവ കേശവന്‍ മത്സരിക്കാനിറങ്ങുന്നുണ്ട്. ഒളിംപിക്‌സ് വില്ലേജില്‍ ഇന്ത്യന്‍ പതാക ഇന്നലെ ഉയര്‍ന്നു.
ശീതകാല ഒളിംപിക്‌സിന്റെ ഈ വര്‍ഷത്തെ ഇന്ത്യയിലെ ഡിജിറ്റല്‍ സംപ്രേക്ഷണാവകാശം ജിയോ ടി.വിയ്ക്കാണ്. രാജ്യാന്തര ഒളിംപിക് കമ്മിറ്റിയാണ് ഇന്ത്യയിലെ സംപ്രേക്ഷണാവകാശം ജിയോ ടി.വിയ്ക്ക് നല്‍കിയത്.