കല്‍പ്പറ്റ: സര്‍ക്കാര്‍ ജീവനക്കാര്‍ക്കായി നടത്തുന്ന സിവില്‍ സര്‍വിസ് പ്രീമിയര്‍ ലീഗ് ക്രിക്കറ്റ് മത്സരങ്ങളുടെ പ്രാഥമികഘട്ടത്തിന് സുല്‍ത്താന്‍ ബത്തേരി സെന്റ് മേരീസ് കോളജ് ഗ്രൗണ്ടില്‍ തുടക്കമായി.
ജില്ലയിലെ വിവിധ വകുപ്പുകളെ പ്രതിനിധീകരിച്ച് 12 ടീമുകളാണ് പ്രാഥമികഘട്ടത്തില്‍ മാറ്റുരയ്ക്കുന്നത്. ജില്ലാ പൊലിസ്, റവന്യൂറൈവല്‍സ്, എജുക്കേഷന്‍, മൃഗസംരക്ഷണം, പൊതുമരാമത്ത്, വില്‍പ്പന നികുതി, പഞ്ചായത്ത്, ജലസേചനം, കെ.എസ്.ഇ.ബി, ആരോഗ്യം, സഹകരണം, കസോര്‍ഷ്യം ടീമുകളാണ് മത്സര രംഗത്തുള്ളത്. കേരള ക്രിക്കറ്റ് അസോസിയേഷന്‍ വൈസ് പ്രസിഡന്റ് നാസര്‍ മച്ചാന്‍ ഉദ്ഘാടനം ചെയ്തു.
സി.എസ്.പി.എല്‍ സ്‌പോണ്‍സര്‍മാരായ അമാന ടയോട്ട മാര്‍ക്കറ്റിങ് മാനേജര്‍ സുരേഷ്, സി.എസ്.പി.എല്‍ ചെയര്‍മാന്‍ ജയന്‍, നിഥിന്‍ ഷാജി, സാബു എബ്രഹാം, അഭിലാഷ്, വരുണ്‍ പി.ഗോപി, ഹരീഷ് ബാബു, മുകേഷ്, സിമോജ് തുടങ്ങിയവര്‍ സംസാരിച്ചു.
മാര്‍ച്ച് നാല്, അഞ്ച് തിയതികളില്‍ കൃഷ്ണഗിരി അന്താരാഷ്ട്ര ക്രിക്കറ്റ് സ്റ്റേഡിയത്തില്‍ സെമി ഫൈനല്‍ മത്സരങ്ങള്‍ നടക്കും.