കോഴിക്കോട്: ആസ്റ്റര്‍ മിംസിന്റെ സംരംഭമായ മിംസ് മെഡിക്കല്‍ സെന്റര്‍ യാത്രക്കാരുടെ ആരോഗ്യവും സൗഖ്യവും മുന്‍നിര്‍ത്തി ആരംഭിച്ച ട്രാവല്‍ ക്ലിനിക് പ്രവര്‍ത്തനമാരംഭിച്ചു. കേരളത്തിലാദ്യമായാണ് ഇത്തരമൊരു സംരംഭം നടക്കുന്നത്.
കോഴിക്കോട് എരഞ്ഞിപ്പാലം മിംസ് മെഡിക്കല്‍ സെന്റര്‍ ആസ്ഥാനമായുള്ള വിദഗ്ധരടങ്ങിയ ട്രാവല്‍ ക്ലിനിക് വിദേശ യാത്രക്കാര്‍ക്കു വൈദ്യസഹായം വാഗ്ദാനം ചെയ്യുന്നു. നഴ്‌സുമാരും മെഡിക്കല്‍ ടെക്‌നീഷ്യന്മാരും അടങ്ങിയ ടീമിനെ നയിക്കുന്നത് ട്രാവല്‍ ഫിസിഷ്യനും കണ്‍സള്‍ട്ടന്റുമായ ഡോ. വിഷ്ണു വാസുദേവനാണ്. രാവിലെ ഒന്‍പതു മുതല്‍ വൈകിട്ട് ആറു വരെ ആഴ്ചയില്‍ ആറു ദിവസം ട്രാവല്‍ ക്ലിനിക് പ്രവര്‍ത്തിക്കും. ഫോണ്‍ 0495 2379666.