പയ്യന്നൂര്‍: കേന്ദ്രസംസ്ഥാന സര്‍ക്കാറുകളുടെ ജനദ്രോഹ നയങ്ങള്‍ക്കെതിരേ സമരാഹ്വാനവുമായി കെ.പി.സി.സി വൈസ് പ്രസിഡന്റ് എം.എം ഹസ്സന്‍ നയിക്കുന്ന വടക്കന്‍ മേഖലാ ജാഥ ജില്ലയില്‍ പ്രവേശിച്ചു. കാസര്‍കോട് പര്യടനം പൂര്‍ത്തിയാക്കി ജില്ലയിലെ ആദ്യ സ്വീകരണ കേന്ദ്രമായ പയ്യന്നൂരിലെത്തിയ ജാഥാ ക്യാപ്റ്റനെ യു.ഡി.എഫ് ജില്ലാ ചെയര്‍മാന്‍ എ.ഡി മുസ്തഫ ഉള്‍പ്പടെയുള്ള നേതാക്കള്‍ ആനയിച്ചു. പഴയ സ്റ്റാന്റ് ട്വൗണ്‍ സ്‌ക്വയറില്‍ സ്വീകരണ പൊതുയോഗം ഡി.സി.സി പ്രസിഡന്റ് സതീശന്‍ പാച്ചേനി ഉദ്ഘാടനം ചെയ്തു. എം.കെ രാജന്‍ അധ്യക്ഷനായി. ജാഥാ വൈസ് ക്യാപ്റ്റന്‍ സി.എ അജീര്‍, നേതാക്കളായ എം ശരത്ചന്ദ്ര പ്രസാദ്,പി.കെ ഫിറോസ്, ടി.എ നാരായണന്‍, ജോര്‍ജ് വടകര, എ.ഡി മുസ്തഫ, കെ.സി ജോസഫ് എം.എല്‍.എ, വി.പി സുഭാഷ്, ഇല്ലിക്കല്‍ അഗസ്തി, എ.പി അബ്ദുല്ലകുട്ടി, വി.പി വമ്പന്‍, കെ സുരേന്ദ്രന്‍, വി.കെ അബ്ദുല്‍ ഖാദര്‍ മൗലവി, വി.എന്‍ എരിപുരം സംബന്ധിച്ചു.