കണ്ണൂര്‍: മദ്‌റസ വിദ്യാര്‍ഥികളെയും മുഅല്ലിംകളെയും പങ്കെടുപ്പിച്ച് സമസ്ത കേരള ജംഇയ്യത്തുല്‍ മുഅല്ലിമീന്‍ സംഘടിപ്പിക്കുന്ന ഇസ്‌ലാമിക കലാമേളയുടെ മേഖലാതല മത്സരങ്ങള്‍ ജില്ലയിലെ അഞ്ചു മേഖലകളിലായി 18,19 തിയതികളില്‍ നടക്കും. കലാമേളയുടെ ഒരുക്കങ്ങള്‍ പൂര്‍ത്തിയായതായി ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ് മാണിയൂര്‍ അബ്ദുറഹ്മാന്‍ ഫൈസി, അബ്ദുസമദ് മുട്ടം, അബ്ദുശുക്കൂര്‍ ഫൈസി പുഷ്പഗിരി, അബ്ദുല്‍ ജലീല്‍ ഹസനി മയ്യില്‍, റഷാദ് ദാരമി ചാലാട് എന്നിവര്‍ വാര്‍ത്താസമ്മേളനത്തില്‍ അറിയിച്ചു.
പയ്യന്നൂര്‍, കണ്ണൂര്‍, തളിപ്പറമ്പ്, തലശ്ശേരി, ഇരിട്ടി മേഖലകളിലായാണ് മത്സരം.
18ന് വൈകുന്നേരം ഏഴിന് പയ്യന്നൂര്‍ മേഖല മാട്ടൂല്‍ തെക്കുമ്പാട് മദ്‌റസയില്‍ അസീസ് തായിനേരിയും കണ്ണൂര്‍ മേഖല കക്കാട് മദ്‌റസയില്‍ മുന്‍ തെരെഞ്ഞെടുപ്പ് കമ്മിഷണര്‍ പി. കമാല്‍കുട്ടിയും തളിപ്പറമ്പ് മേഖല കരിമ്പം ഹിലാല്‍ നഗറില്‍ കണ്ണൂര്‍ പ്രസ് ക്ലബ് സെക്രട്ടറി എന്‍.സി.പി രഞ്ജിത്തും തലശ്ശേരി മേഖല പാനൂര്‍ നജാത്തുല്‍ സുന്ദര്‍ ചിറക്കലും ഇരിട്ടി മേഖല തൊട്ടിപ്പാലം മദ്‌റസയില്‍ കെ.പി.എ റഹീമും ഉല്‍ഘാടനം ചെയ്യും.
18ന് രാവിലെ 10 മുതല്‍ ഓഫ്‌സ്റ്റേജ് മത്സരങ്ങളും രാത്രി എട്ടിന് ബുര്‍ദാ മജ്‌ലിസും നടക്കും. 19ന് രാവിലെ എട്ടു മുതല്‍ കലാ-സാഹിത്യ മത്സരങ്ങള്‍.
രാവിലെ 10ന് പ്രദര്‍ശനോദ്ഘാടനം മാട്ടൂല്‍ തെക്കുമ്പാട് മാട്ടൂല്‍ ഗ്രാമപഞ്ചായത്ത് പ്രസിഡന്റ് കെ.വി അലിയും തളിപ്പറമ്പില്‍ നഗരസഭാ ചെയര്‍മാന്‍ മഹ്മൂദ് അളളാംകുളവും കണ്ണൂരില്‍ സി സമീറും, പാനൂരില്‍ കബീര്‍ കണ്ണാടിപ്പറമ്പും ഇരിട്ടി തൊട്ടിപ്പാലം അന്‍സാരി തില്ലങ്കേരിയും നിര്‍വഹിക്കും.വൈകുന്നേരം ആറിന് സമാപന സമ്മേളനത്തില്‍ നേതാക്കളായ പി.കെ.പി. അബ്ദുസലാം മുസ്‌ലിയാര്‍, മാണിയൂര്‍ അഹ്മദ് മുസ്‌ലിയാര്‍, സയ്യിദ്ദ് മശ്ഹൂര്‍ ഉമര്‍ കോയ തങ്ങള്‍, പി.പി ഉമര്‍ മുസ്‌ലിയാര്‍, ടി.എസ് ഇബ്രാഹിം മുസ്‌ലിയാര്‍, കെ.ടി അബ്ദുല്ല മൗലവി പങ്കെടുക്കും.