കൊല്ലം: വി.എം സുധീരന്‍ കെ.പി.സി.സി നേതൃത്തിലുള്ളകാലത്തോളം കോണ്‍ഗ്രസുമായി ധാരണയുണ്ടാകില്ലെന്നു എസ്.എന്‍.ഡി.പി യോഗം ജനറല്‍സെക്രട്ടറി വെള്ളാപ്പള്ളി നടേശന്‍ മാധ്യമപ്രവര്‍ത്തകരോട് പറഞ്ഞു. ഇക്കാര്യത്തില്‍ ഉമ്മന്‍ചാണ്ടിയുമായി ചര്‍ച്ച നടത്തിയെന്ന വാര്‍ത്ത പച്ചക്കള്ളമാണ്. പിണറായി കരുത്തനായ മുഖ്യമന്ത്രിയാണെന്ന് വെള്ളാപ്പള്ളി പറഞ്ഞു. എല്‍.ഡി.എഫ് എസ്.എന്‍.ഡി.പിക്കു നല്ല പരിഗണനയാണ് തരുന്നത്. ബി.ജെ.പി എസ്.എന്‍.ഡി.പി യോഗത്തിനു നല്‍കിയ ഉറപ്പുകളൊന്നും പാലിച്ചിട്ടില്ല. ബി.ജെ.പി വഞ്ചിച്ചതായി സി.കെ ജാനു തന്നോടു പറഞ്ഞതായും വെള്ളാപ്പള്ളി പറഞ്ഞു.