ഗോണിക്കൊപ്പ: ആനക്കൊമ്പു കടത്തുകയായിരുന്ന രണ്ടുപേരെ വനപാലകര്‍ പിടികൂടി. സംഘം സഞ്ചരിച്ചിരുന്ന കാറും കസ്റ്റഡിയിലെടുത്തു. കടത്തു സംഘത്തിലെ മൂന്ന് പേരില്‍ ഒരാള്‍ ഓടി രക്ഷപ്പെട്ടു. ചാമറാജുനഗറുവിലെ നംഞ്ചുണ്ടസ്വാമി(33), എച്ച്.ഡി കോട്ടയിലെ മഹേഷ്(33) എന്നിവരെയാണ് ബാളലെ കാനൂറു റോഡില്‍വച്ച് കഴിഞ്ഞ ദിവസം രാത്രി വനപാലക സംഘം പിടികൂടിയത്. ഇവരില്‍ നിന്ന് 22 കിലോ തൂക്കവും ഒരു മീറ്ററിലധികം നീളവുമുള്ള രണ്ട് ആനക്കൊമ്പാണ് പിടിച്ചെടുത്തത്. പിടിക്കപ്പെട്ട രണ്ടു പേരേയും പൊന്നമ്പേട്ട കോടതിയില്‍ ഹാജരാക്കി.