ഗൂഗിളില്‍ ജോലി നല്‍കണമെന്നാവശ്യപ്പെട്ട് സി.ഇ.ഒ സുന്ദര്‍ പിച്ചെയ്ക്ക് ഏഴു വയസുകാരിയുടെ കത്ത്. കത്തിന് മറുപടി നല്‍കിയ സുന്ദര്‍ പിച്ചെ തന്റെ പഠനം കഴിഞ്ഞാല്‍ ജോലിക്ക് അപേക്ഷിക്കാന്‍ ആവശ്യപ്പെടുകയും ചെയ്തു. കഠിനമായി പ്രയത്‌നിക്കുകയും തന്റെ സ്വപ്‌നങ്ങള്‍ പിന്തുടരുണമെന്നും സുന്ദര്‍ പിച്ചെ ആശംസിച്ചു. യു.കെ സ്വദേശിനിയായ ക്ലോ ബ്രിഡ്ജ്‌വേയാണ് തമാശയെന്നോണം ഗൂഗിളിന് കത്തെഴുതിയത്.

ഗൂഗിള്‍ ബോസിന് എന്ന പേരില്‍ സ്വന്തം കൈപ്പടയിലാണ് കൊച്ചു മിടുക്കി കത്തെഴുതിയത്. കത്ത് സോഷ്യല്‍ മീഡിയകളില്‍ വൈറലാവുകും ചെയ്തു. പിതാവിന്റെ പിന്തുണയോടെയാണ് ക്ലോ കത്തെഴുതിയത്. ഗൂഗിളില്‍ ജോലി ചെയ്യാന്‍ മാത്രമല്ല, ചോക്ലേറ്റ് ഫാക്റ്ററിയില്‍ ജോലി ചെയ്യാനും ഒളിംപിക്‌സില്‍ നീന്തലില്‍ പങ്കെടുക്കാനും ആഗ്രഹമുണ്ടെന്നും ക്ലേ കത്തില്‍ പറയുന്നുണ്ട്.

ഗൂഗിളില്‍ ജോലി ആവശ്യപ്പെട്ട് ക്ലേ ഗൂഗിള്‍ സി.ഇ.ഒക്ക് എഴുതിയ കത്ത്