ജിദ്ദ: തുര്‍ക്കി പ്രസിഡന്റ് റജബ് ത്വയ്യിബ് ഉര്‍ദുഗാന്‍ പരുശുദ്ധ ഉംറ നിര്‍വഹിക്കാന്‍ മക്കയിലെത്തി. ഇന്നു രാവിലെയാണ് അദ്ദേഹം മക്കയിലെത്തിയത്.

തിരുഗേഹങ്ങളുടെ സേവകന്‍ സല്‍മാന്‍ രാജാവിന്റെ രാഷ്ട്രീയ ഉപദേഷ്ട്ടാവും മക്ക ഗവര്‍ണറുമായ ഖാലിദ് അല്‍ ഫൈസല്‍ രാജാകുമാരന്റെ നേതൃത്വത്തിലുള്ള സംഘമാണ് അദ്ദേഹം സ്വകരിച്ചത്.

ഉംറ നിര്‍വഹിച്ചതിന് ശേഷം അദ്ദേഹം ഗള്‍ഫ് പര്യടനത്തിന്റെ ഭാഗമായി ദോഹയിലേക്ക് പുറപ്പെട്ടു. 

ഗള്‍ഫ് രാജ്യങ്ങളുമയുള്ള ബന്ധം ശക്തമാക്കുന്നതിന്റെ ഭാഗമായി സഊദിയിലെത്തിയ തുര്‍ക്കി പ്രസിഡന്റ് റജബ് ത്വയ്യിബ് ഉറുദുഗാന്‍  സല്‍മാന്‍ രാജാവുമായി ഉഭയകക്ഷി വിഷയങ്ങളും മേഖലയിലെ രാഷ്ട്രീയ സുരക്ഷാ പ്രശ്‌നങ്ങളും ചര്‍ച്ച ചെയ്തിരുന്നു.

ഇതിനു പുറമെ പലസ്തീന്‍, സിറിയ, യമന്‍ വിഷയങ്ങളും അന്താരാഷ്ട്ര വിഷയങ്ങളും കൂടിക്കാഴ്ചയില്‍ ചര്‍ച്ച ചെയ്തു.