ചെന്നൈ: തമിഴ്‌നാട്ടില്‍ അധികാരത്തിലേറിയ 'ശശികലയുടെ സംഘം' ശനിയാഴ്ച വിശ്വാസ വോട്ടെടുപ്പ് നേരിടും. ഗവര്‍ണര്‍ സി വിദ്യാസാഗര്‍ വിളിച്ചു ചേര്‍ത്ത പ്രത്യേക അസംബ്ലിയിലാണ് വിശ്വാസ വോട്ടെടുപ്പ് നടക്കുക.

എടപ്പാടി പളനിസ്വാമി മുഖ്യമന്ത്രിയായി 31 അംഗ മന്ത്രിസഭ നേരത്തെ സത്യപ്രതിജ്ഞ ചൊല്ലി അധികാരമേറ്റിരുന്നു. പളനിസ്വാമിക്ക് പിന്തുണ തെളിയിക്കാന്‍ 15 ദിവസത്തെ സമയവും അനുവദിച്ചിരുന്നു. ഇതിനു പിന്നാലെയാണ് ശനിയാഴ്ച പ്രത്യേക നിയമസഭാ സമ്മേളനം വിളിച്ചു ചേര്‍ക്കാന്‍ ഗവര്‍ണര്‍ നിര്‍ദേശം നല്‍കിയത്.