ഫറോക്ക്: 'തിരുത്തെഴുത്തുകള്‍' എന്ന പേരില്‍ ഫാറൂഖ് കോളജ് യൂനിയന്‍ തയ്യാറാക്കിയ ഡിപ്പാര്‍ട്ട്‌മെന്റ് മാഗസിനുകള്‍ പ്രകാശനം ചെയ്തു. ബി.എം.എം.സി ഡിപ്പാര്‍ട്ട്‌മെന്റിന്റെ 'കേ കോഫോര്‍ണിയ' യാണ് മികച്ച മാഗസിനായി തെരഞ്ഞെടുത്തത്. പരിപാടി പ്രിന്‍സിപ്പല്‍ ഇ.പി ഇമ്പിച്ചിക്കോയ ഉദ്ഘാടനം ചെയ്തു. മികച്ച മാഗസിനുള്ള അബുസ്സ്വബാഹ് മൗലവി അവാര്‍ഡ് വിതരണവും പ്രിന്‍സിപ്പല്‍ നിര്‍വഹിച്ചു.

വിദ്യാര്‍ഥി യൂനിയന്‍ ചെയര്‍മാന്‍ ഫാഹിം അഹമ്മദ് അധ്യക്ഷത വഹിച്ചു. എഡിറ്റര്‍ മുഹമ്മദ് അസ്ഹര്‍ സ്വാഗതവും ജനറല്‍ സെക്രട്ടറി മുഹ്‌സിന്‍ നന്ദിയും പറഞ്ഞു. യൂനിയന്‍ പ്രതിനിധികളായ സ്വാഹിബ് മുഹമ്മദ്, ലബീബ്, മുഹമ്മദ് അനസ്, ആദില്‍ ജഹാന്‍, നൂറ, നാജിയ, സ്റ്റാഫ് സെക്രട്ടറി ഷാലിന ബീഗം എന്നിവര്‍ സംസാരിച്ചു.