അംതര്‍: വിജയ് ഹസാരെ ട്രോഫി ഏകദിന പോരാട്ടത്തിലെ രണ്ടാം മത്സരത്തില്‍ കേരളത്തിന് അപ്രതീക്ഷിത തോല്‍വി. നാടകീയ പോരാട്ടത്തില്‍ ഹിമാചല്‍ പ്രദേശ് കേരളത്തിനെ ഒറ്റ വിക്കറ്റിന് കീഴടക്കി.
ആദ്യം ബാറ്റ് ചെയ്ത കേരളം നിശ്ചിത 50 ഓവറില്‍ ഏഴ് വിക്കറ്റ് നഷ്ടത്തില്‍ 271 റണ്‍സെടുത്തപ്പോള്‍ ഹിമാചല്‍ 50 ഓവറില്‍ ഒന്‍പത് വിക്കറ്റ് നഷ്ടത്തില്‍ 273 റണ്‍സെടുത്ത് വിജയം പിടിക്കുകയായിരുന്നു. 83 റണ്‍സെടുത്ത് പുറത്താകാതെ നിന്ന കൗശികിന്റെ ബാറ്റിങാണ് ഹിമാചലിന് വിജയമൊരുക്കിയത്. കേരളത്തിനായി അക്ഷയ് കെ.സി നാലും ആസിഫ് മൂന്നും സന്ദീപ് വാര്യര്‍ രണ്ടും വിക്കറ്റെടുത്തു.
നേരത്തെ ക്യാപ്റ്റന്‍ സച്ചിന്‍ ബേബി (95), വിഷ്ണു വിനോദ് (66) എന്നിവരുടെ ബാറ്റിങ് മികവിലാണ് കേരളം പൊരുതാവുന്ന സ്‌കോര്‍ സ്വന്തമാക്കിയത്.