കാസര്‍കോട്: സി.പിഎം കാസര്‍കോട് ജില്ലാ കമ്മിറ്റി ഓഫിസിന് നേരെ കല്ലേറ്. കല്ലേറില്‍ എ.കെ.ജി മന്ദിരത്തോടുബന്ധിച്ച് പ്രവര്‍ത്തിക്കുന്ന ഇ.എം.എസ് ഗവേഷണ പഠനകേന്ദ്രത്തിന്റെ സൈന്‍ബോര്‍ഡ് തകര്‍ന്നു. ഇന്നലെ ഉച്ചയോടെയാണ് സംഭവം. വിവരമറിഞ്ഞ് സി.പി.എം നേതാക്കളും പൊലിസും സ്ഥലത്തെത്തി. കലക്ട്രേറ്റ് മാര്‍ച്ച് കഴിഞ്ഞ് പോവുകയായിരുന്ന ബി.ജെ.പി പ്രവര്‍ത്തകരാണ് ആക്രമണം നടത്തിയതെന്ന്് സി.പി.എം ആരോപിച്ചു. ഇതിനു മുന്‍പും സി.പി.എം ജില്ലാ കമ്മിറ്റി ഓഫിസിന് നേരെ മൂന്നിലധികം തവണ കല്ലേറ് നടന്നിരുന്നു.