ഷിംല: ഹിമാചല്‍ പ്രദേശില്‍ സ്‌കൂള്‍ ബസ് മറിഞ്ഞ് 25 കുട്ടികള്‍ക്ക് പരുക്ക്. മാണ്ടി ജില്ലയിലെ ദേഹാറിലാണ് ഇന്ന് രാവിലെയാണ് സംഭവം. വിവേകാനന്ദ പബ്ലിക്ക് സ്‌കൂളിലെ വിദ്യാര്‍ഥികള്‍ സഞ്ചരിച്ച ബസ്സാണ് അപകടത്തില്‍ പെട്ടത്.

ബസ് മറ്റൊരു വാഹനത്തെ മറികടക്കാന്‍ ശ്രമിക്കുന്നതിനിടെ മറിയുകയായിരുന്നു. ബസ്സില്‍ 30 കുട്ടികളാണ് ഉണ്ടായിരുന്നത്. പരുക്കേറ്റവരെ അടുത്തുള്ള ആശുപത്രിയില്‍ പ്രവേശിപ്പിച്ചു. ഇവര്‍ അപകടനില തരണം ചെയ്തതായി അധികൃതര്‍ അറിയിച്ചു.