ന്യൂഡല്‍ഹി: യു.എസ് അതിഷ്ഠിത ഓണ്‍ലൈന്‍ ടാക്‌സി കമ്പനിയായ യൂബര്‍, ഡല്‍ഹി സാങ്കേതിക സര്‍വകലാശാല വിദ്യാര്‍ഥിയ്ക്ക് വാഗ്ദാനം ചെയ്തിരിക്കുന്നത് 71 ലക്ഷം രൂപയുടെ വാര്‍ഷിക ശമ്പളം.

ക്യാംപസ് റിക്രൂട്ട്‌മെന്റിലൂടെയാണ് വസന്ത്കുഞ്ച് സ്വദേശിയായ സിദ്ധാര്‍ഥിനെ യൂബര്‍ തെരഞ്ഞെടുത്തത്. ഡല്‍ഹി സാങ്കേതിക സര്‍വകലാശാലയില്‍ അവസാന വര്‍ഷ കംപ്യൂട്ടര്‍ സയന്‍സ് വിദ്യാര്‍ഥിയാണ് സിദ്ധാര്‍ഥ്.

2015ല്‍ 1.25 കോടി രൂപയായിരുന്നു ഇതേ സര്‍വകലാശാലയിലെ ഒരു വിദ്യാര്‍ഥിക്ക് ലഭിച്ച ഉയര്‍ന്ന ശമ്പള പാക്കേജ്. ചേതന്‍ കഖര്‍ എന്ന വിദ്യാര്‍ഥിയെ ഗൂഗിളാണ് ഇത്രയും ശമ്പളം നല്‍കി ജോലിക്കെടുത്തത്.

22 വയസുകാരനായ സിദ്ധാര്‍ഥിന്റെ പിതാവ് കണ്‍സള്‍ട്ടന്റും മാതാവ് ട്രാന്‍സ്‌ക്രിപ്റ്റ് സ്പീച്ചസ് ആയും ജോലി ചെയ്യുകയാണ്.