തുറവൂര്‍: തുറവൂര്‍ യേശുപുരം ഉണ്ണീശോ ദേവാലയത്തിന്റെ ആശീര്‍വാദവും തിരുനാള്‍ മഹോത്സവും 24ന് നടക്കുമെന്ന് ഭാരവാഹികള്‍ അറിയിച്ചു. 24ന് വൈകിട്ട് അഞ്ചിന് കൊടിമരത്തിന്റെ ആശീര്‍വ്വാദവും തിരുനാള്‍ കൊടിയേറ്റും.
തുടര്‍ന്ന് ദേവാലയം ആശീര്‍വ്വാദം. ഡോ.സ്റ്റീഫന്‍ അത്തിപ്പൊഴിയിലിന്റെ മുഖ്യകാര്‍മികത്വത്തില്‍ പൊന്തിഫിക്കല്‍ ദിവ്യബലി നടക്കും. ഫാ. ഡെറി വാലയിലിന്റെ സഹകാര്‍മികത്വത്തില്‍ കാഴ്ചവയ്പ്പ്. 26ന് വൈകിട്ട് നാലിന് ആഘോഷമായ തിരുനാള്‍ ദിവ്യബലി. ഫാ.സ്റ്റീഫന്‍ ജെ.പുന്നയ്ക്കല്‍ മുഖ്യകാര്‍മികത്വം വഹിക്കും .ഫാ.സോണി സേവ്യര്‍ പനയ്ക്കല്‍ സഹകാര്‍മ്മികത്വം വഹിക്കും. തുടര്‍ന്ന് പ്രസുദേന്തിമാരും കുടുംബാംഗങ്ങളും പങ്കെടുക്കുന്ന ആഘോഷമായ തിരുനാള്‍ പ്രദക്ഷിണം പരിശുദ്ധ കുര്‍ബാനയുടെ ആശീര്‍വ്വാദം.