ഹരിപ്പാട് : ശ്രീ നാരായണ ഗുരുദേവന്‍ ലോകത്തിന് ഉപദേശിച്ച പ്രധാനമായ മാനുഷിക ധര്‍മ്മങ്ങളില്‍ ഒന്നാണ് നിരാലംബര്‍ക്ക് ഭവനം നിര്‍മ്മിച്ചു നല്‍കുകയെന്നതെന്ന് എസ്.എന്‍ ട്രസ്റ്റ് ബോര്‍ഡ് മെമ്പര്‍ പ്രീതി നടേശന്‍ പറഞ്ഞു.
ചേപ്പാട് എസ്.എന്‍.ഡി.പി യൂണിയന്‍ നടപ്പിലാക്കുന്ന വെള്ളാപ്പള്ളി നടേശന്‍ ഭവന നിര്‍മാണ പദ്ധതി പ്രകാരം യൂണിയന്‍ പ്രസിഡന്റ് എസ്.സലികുമാര്‍ നിര്‍മ്മിച്ചു നല്‍കുന്ന ആദ്യ ഭവനത്തിന്റെ ഉദ്ഘാടനം നിര്‍വഹിക്കുകയായിരുന്നു അവര്‍. സലി കുമാറിന്റെ മകളുടെ വിവാഹത്തോടനുബന്ധിച്ച് ചിങ്ങോലി പടിഞ്ഞാറ് 4181-ാം നമ്പര്‍ ശാഖാംഗമായ സ്വാതി ഭവനത്താല്‍ സുലോചനയ്ക്കാണ് ആദ്യ ഭവനം നിര്‍മ്മിച്ചു നല്‍കിയത്.
വ്യവസായ പ്രമുഖനും ജനത ഗ്രൂപ്പ് ഓഫ് കമ്പനി ചെയര്‍മാനുമായ വാലില്‍.ജി. ചെല്ലപ്പന്‍ മുഖ്യാതിഥിയായിരുന്നു.
യൂണിയന്‍ പ്രസിഡന്റ് എസ്. സലി കുമാര്‍ അദ്ധ്യക്ഷനായി. എസ്.എന്‍.ഡി.പി യോഗം ഡയറക്ടര്‍ ബോര്‍ഡ് മെമ്പര്‍മാരായ എം.കെ.ശ്രീനിവാസന്‍ ,ഡി. ധര്‍മ്മരാജന്‍, യൂണിയന്‍ കൗണ്‍സിലര്‍മാരായ തൃക്കുന്നപ്പുഴ പ്രസന്നന്‍, അയ്യപ്പന്‍ കൈപ്പള്ളില്‍, ആര്‍.ഓമനക്കുട്ടന്‍ ഡ്രീം ലാന്റ്, എസ്.അനില്‍കുമാര്‍, യു.ചന്ദ്രബാബു, ഡോ.സോമനാഥ്, എസ്. ജയറാം, യൂണിയന്‍ വനിതാ സംഘം പ്രസിഡന്റ് മഹിളാമണി, യൂത്ത് മൂവ്‌മെന്റ് പ്രസിഡന്റ് മനോജ്, ആനന്ദരാജന്‍, യൂണിയന്‍ സെക്രട്ടറി എന്‍.അശോകന്‍ സ്വാഗതവും ശാഖാ യോഗം പ്രസിഡന്റ് സുരേഷ് ബാബു നന്ദിയും പറഞ്ഞു.
അയ്യപ്പന്‍ കൈപ്പള്ളില്‍ സ്‌പോണ്‍സര്‍ ചെയ്ത് യൂണിയന്‍ നിര്‍മ്മിച്ചു നല്‍കുന്ന രണ്ടും മൂന്നും ഭവനങ്ങളുടെ തറക്കല്ലിടല്‍ മാര്‍ച്ച് ആദ്യവാരം നടക്കും.