പൊവ്വല്‍: നടനതാളത്തോടെ കണ്ണൂര്‍ സര്‍വകലാശാല കലോത്സവ വേദികള്‍ ഇന്നുണരും. തേജസ്വിനി, ചന്ദ്രഗിരി, പയസ്വിനി, ചൈത്രവാഹിനി, നിള എന്നിങ്ങനെ പുഴകളുടെ പേരില്‍ ഒരുക്കിയ അഞ്ചു വേദികളിലും ഇന്നു മത്സരമുണ്ട്. ഭരതനാട്യവും മോഹിനിയാട്ടവും കുച്ചുപ്പുടിയും കേരളനടനവും തേജസ്വിനിയില്‍ ആസ്വാദകര്‍ക്ക് നൃത്തവിരുന്നാകും. വൈകുന്നേരംഅഞ്ചിന് ഇതേ വേദിയിലാണ് സ്റ്റേജിന മത്സരങ്ങളുടെ ഉദ്ഘാടന ചടങ്ങ്. മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം നിര്‍വഹിക്കും.